jáaa nú erum við komnar heim frá benidorm....komum heim í gær á afmælisdegi Svönu en vegna mikilla anna í gær náðist bara að gera afmælisblogg á yoni, þannig að núna kemur þetta á sveittar - því miður einum degi seinna....

16.ágúst 1989 fæddist Svana sem er betur þekkt undir nöfnum eins og burger, kfc, sveittu krikar, bergur, beikonið og svabbí simma!

Ghetto fabulous / Steed Lord!

Svana mín til hamingju með 18 ára afmælið í gær! Við elskum þig í drasl og þú ert best

One Love - Sveittargeirur 

Hola! Þar sem ég var búin að lofa bloggi frá Spáni verð ég víst að standa við orð mín=)

Ég er stödd hjá pabba núna, en fer á fimmtudaginn til Benidorm og hitti þá Hjalta minn og stelpurnar, hlakka alveg rosalega til! Hérna er ekki mikið að gera á daginn þar sem hitinn fer alveg upp í 42°c og það er svo heitt að varla er hægt að stíga fæti út fyrir dyragarminn án þess að finna fyrir köfnunartilfinningu, það er svo þungt loft og mikill raki. Þá daga sem ég kemst út þá reyni ég að kreista á mig smá tan...en nei, vitiði ég held það sé bara líkamlega ekki hægt fyrir mig að verða brún, ég notaði fyrst að vísu svolítið sterka vörn en núna nota ég bara olíu með smá vörn í...en er einhver munur? Nei! Ég er eins og gangandi A4 og það hjálpar ekki að ég er að minnsta kosti höfðinu stærri en allir hérna, sem er mjög óalgeng sjón..þar sem stór er ekki mjög oft notað sem ýsingarorð um mig, oftast er það: "Þú ert ekkert þaaað lítil"
En nóg um það langar að segja frá svolitlu sem ég varð vitni að í fyrrakvöld þegar við vorum að keyra upp á golfvöll þar sem pabbi vinnur, og það eru nokkur hringtorg á leiðinni þangað og eins og venjulega eru þar staddar nokkrar konur...svokallaðar vændiskonur, af öllum stærðum og gerðum, og sumar ekki deginum eldri en 15 ára!! En alla vega venjulega standa þær þarna nokkrar saman og svo fer ein og ein en þær eru aldrei einar, nema á einum tilteknum stað þá eru þær bara tvær og þegar önnur fer að stunda sín "viðskipti" þá er hin ein eftir, sem er ekkert svo læmt þar sem stundum er melónusali þarna við hliðina, smá félagsskapur og svona...en hann hefur greinilega ekki verið nóg þar sem þegar við erum að nálgast hringtorgið sé ég hana þarna eina og á mikilli hreyfingu...ekki hlaupandi eða neitt en eitthvað var hún að gera, mér datt strax í hug það er verið að ráðast á hana! En þegar við komum að hringtorginu og við keyrum nær kemur í ljós að hún hafði tekið kústskaft og spítu og fest saman í kross og var að dansa við það af fullum krafti! Hún er ekkert sú grennsta sem ég hef séð og fötin sem hún var í voru ekkert allt of þekjandi og sumt skoppandi um allt, og það á miðjum veginum þar sem allir sem eiga leið hjá sjá hana augljóslega. Ekki nóg með það heldur dettur hún ekki á rassinn þarna og með kústskaftið á eftir sér ofan í moldina og greinarnar sem voru þarna..ég veit að það var ljótt af mér en hvernig getur maður annað en hlegið aðeins að þessu? Við héldum áfram okkar leið þar sem við vorum að verða of sein á verðlaunaafhendingu, en þegar við keyrðum til baka þá var hún komin á fætur en án kústskaftsins í þetta sinn....

Ég verð að fara núna því við erum að fara að borða, þangað til næst...
                                    
                                                      Íris Tanja                                                   

jæja þá er bara ein skitin vika eftir í langþráða ferð okkar til benidorm! þannig að ég ætlaði að byggja upp smá stemmara og jafnvel öfund með því að blogga allsvakalega um þetta!

Við pöntuðum þessa ferð í janúar og þá var hálft ár í þetta og mér finnst svo stutt síðan...shii hvað tíminn líður hratt! sumarið er líka búið að líða fáránlega hratt....en við vorum í skemmtilegustu vinnu sem hægt er að finna þannig að það er ekki skrýtið haha í júlí vorum við strax orðnar svo pirraðar á henni að mætingin var orðin frekar slæm. Enda fékk flokkstjórinn að heyra það frá Axeli kallinum þannig að við Svana gáfumst upp í seinustu viku og svo hinar núna á mánudaginn! Axel, Gulla, Helga, Þorsteinn og pakkið í laugardalnum...við munum eiga minningar frá þeim sem endast að eilífu og þá sérstaklega Hallgrími, stelpur þið vitið hvað ég er að tala um!

En aftur að Benidorm! Við förum 2.ágúst kl 6 um morguninn þannig að við ætlum að taka all nighter á þetta og tjilla í bílskúrnum áður en við leggjum af stað útá völl!

Hótelið sem við verðum á heitir Vina Del Mar og fólk er nú e-ð búið að vera að segja að þetta sé ljótt hótel og fleira en við hlustum ekki á svoleiðis rugl! þetta er klassa hótel!

Fanney á eftir að vera manneskjan sem tekur að sér að skipuleggja og vera voða æst í e-ð menningarlegt þarna eins og skoðunarferðir og þannig...og er ég viss um að Hófí og Sara muni joina hana í því! Hún mun líka stunda djammið grimmt, ég finn það á mér að hún muni koma okkur á óvart með það haha

Svana á eftir að vera tjillaða týpan allan tímann. Hún á eftir að vera í því að liggja bara í sólbaði og drekka, en hennar helsta markmið er að verða tanaðari en ég í þessari ferð og ég mun gera mitt besta í að passa uppá að það gerist ekki Burgerinn á afmæli 16.ágúst sem er dagurinn sem við förum heim en við erum búnar að lofa henni að halda uppá smá afmæli í terra mitica því hún talar ekki um annað en það og vatnsrennibrautagarðinn!

Sara á eftir að vera í svipuðum pakka og Fanney...hún á alltaf eftir að hafa allt á hreinu og ekki vera með neitt kæruleysi! Hún mun líka passa uppá að halda herberginu þeirra hreinu en Hallveig og Guðný eru ekki beint þrifalegustu manneskjur sem þú finnur Ég spái því að Sara eigi eftir að berjast við Hallveigu um besta tanið í ferðinni

Guðný á ekki eftir að gera neitt nema tana, djamma og hössla þegar hún er ekki að baða sig í rósavíni! Hún talar ekki um annað en þessa ferð og ætlar hún að hennar sögn ekki að neita sér um neitt þannig að hún verður í suddalegu sukki í þessar 2 vikur

Hallveig kemur 9. þannig að hún verður bara í eina viku sem er ekki nein snilld en jæja hún á allavega eftir að vera í því allan daginn að bera á sig sólarvörn en ég hef aldrei kynnst neinni manneskju sem er jafn hrædd um að brenna og hallveig! þannig að ég sé hana fyrir mér undir sólhlíf með sólarvörn nr.45 og bjór í hendinni alla ferðina haha

Hófí...ég hef heyrt að hún ætli að vera mikið í því að fara í skoðunarferðir og svona þannig að ég held að hún, Smatt og finninn verði gott team þarna úti...Hófí á líka vonandi eftir að vera sú sem vaknar fyrst og á eftir að passa uppá að við liggjum ekki sofandi uppá hótelherbergi allan daginn!

Úlla...já ég veit ekki alveg hvað ég mun vera að gera þarna úti...Fanney er mjög góð í að draga mig í e-ð uppbyggilegt en burgerinn og guðný eru líka með mjög sterkan sannfæringarkraft! en ef ég þekki mig rétt held ég að ég eigi eftir að vera mest í því að liggja í sólbaði og svo bara drekka haha...enda á þetta að vera frí!

Íris Tanja fór í morgun til pabba síns sem býr á spáni og verður hjá honum í tvær vikur og kemur svo til okkar 9. Hjalti er á sama hóteli og ef ég þekki írisi rétt verður hún nú bara langmest með kæró! en hún lofaði nú samt að djamma með okkur þannig að við sjáum bara hvað gerist!

Jæja ég held ég hafi bloggað lengsta bloggið mitt í sögu sveittra þannig að ég segi þetta gott...sjáumst á benidorm!

Úlla Þjappari

ég og elín erum búnar að vera í kasti yfir myspace síðum hjá útlenskum gellum hérna og ætluðum bara að deila einni svakalegri með fólki...endilega skoðið þetta ef þið hafið ekkert betra að gera hahah bara fyndið að sjá hvað stelpur geta verið djarfar

 http://www.myspace.com/PROUD2BABBW

haha blell

Já góðir og veikir hálsar, það er margt og mikið á seyði- allir veikir, að koma frá útlöndum eða að fara til útlanda og ÉG VAR AÐ FÁ HVOLP! Hún er sætust í heiminum, hún er blönduð Bordercollie og íslenskur fjárhundur og er karamellulituð með hvítar loppur og heitir sú fagra: Mía Björt hún er bara 6 vikna og er rosalega þæg og góð, geltir ótrúlega lágt og krúttlega þegar hún þarf að fara út að pissa og hún er bara alveg æðisleg! Ég veit ekki hvernig ég á eftir að geta verið án hennar þegar ég fer til pabba, en það er eftir 6 daga í dag og ég hlakka rosalega til en kvíði samt fyrir, það á eftir að vera æðislegt að hitta pabba og Ana og litlu systur mína Raquel en ég á eftir að sakna svo margs héðan. Ég hitti að vísu Hjalta stuttu eftir að ég kem út, og stelpurnar þegar ég fer til Bene en hvað með Míu!? Ohh þetta er svo erfitt líf.....

Ég er annars bara veik núna og er búin að vera svolítið mikið veik núna upp á síðkastið, fór uppá spítala á miðvikudaginn í síðustu viku í einhverjar rannsóknir...sem var allt gott og blessað, svo lengi sem læknirinn var ekki inni...ég er ekki að dæma alla lækna þar sem að ég þekki þó nokkra lækna og eru alveg yndislegir en sumir, og þessi læknir tilheyrði þeim hópi, eru alveg ótrúlega dónalegir og ónærgætnir, ef ég hefði mátt og getað hreyft mig hefði ég staðið upp og og labbað út...hörð eða hvað!?

En nóg um það, það er kominn nýr skólastjóri í Verlsó og er það enginn annar en hann Ingi aðstoðarskólastjóri sem tekur við af Sölva..og talandi um Verlsó þá standa mál þannig að við höldum að málabraut og alþjóðabraut verði saman í bekk sem þýðir að ég verði í bekk með henni Ernu minni, Oddi, Bigga, Ólöfu Jöru, Hrefnu, Andreu og Sigrúnu og fleirum sem er mega stuð! Alla vega erum við með sama umsjónarkennara, íslenskukennara, íþróttakennara og náttúrufræðikennara..ég er enginn stærðfræðingur en ég heeeld það séu svollitlar líkur á því að við séum saman í bekk

En nóg í bili frá mér ég blogga örugglega eitthvað frá Spáni og skelli inn nokkrum myndum af Míu og fleirum á næstunni.
Heil og sæl að sinni þangað til næst,
Íris spanjóla

Sælinú! Ég veit að ég hef ekki verið að standa mig í þessari síðu og nenni ekki að hlusta á fleiri skammir frá hinum geirunum svo hér er þetta langþráða blessaða blogg.

Það er ekki frá miklu að segjan nema bara að ég hef verið að vinna eins og brjálæðingur, sem er nú ekkert leiðinlegt þannig séð ég hef mjög gaman af gömlu kellingum mínu...já fyrir þá sem ekki vita er ég að vinna á elliheimilinu Grund. Ég mæli eindregið með því að vinna með gömlu fólki þetta er alveg æðisleg vinna, ég hlakka alltaf til að fara í vinnuna og líður alltaf vel þegar ég er búin að vinna. Það eru náttúrulega alltaf kostir og gallar við allt og við þessa vinnu getur verið ogguponsupínulítið þreytandi þegar maður er búinn að tala við konu í svona hálftíma og hún búin að segja manni ævisöguna, svo skrepp ég kannski fram í 10 mín. kem aftur og þá er byrjað á ævisögunni aftur eins og hún hafi aldrei sagt mér hana áður... mjög krúttlegt samt. 

Nú styttist í að ég fari í mína árlegu heimsókn til hans pabba, en hann á heima á Spáni eins og sumir vita kannski...ég fer út eftir nákvæmlega 18 daga, og verð í 3 vikur úti, 2 vikur hjá pabba og svo skottast ég upp til Benidorm og hitti alla litlu brjálæðingana mína, og Hjalta minn og við förum saman heim 16. ágúst. Vá og þá eru bara 5 dagar í að skólinn byrji aftur, rosalega er þetta fljótt að líða!

Læt þetta duga í bili, en núna lofa ég að láta ekki svona langt líða á milli þar til næsta blogg kemur
                   Íris Píris...

jææja þá er bara komið sumar og læti

kláruðum prófin og við náðum öllu sem betur fer þannig að við erum á leiðinni á okkar 3.ár í menntaskóla...váa hvað tíminn líður hratt! ég man ennþá eftir fyrsta deginum í verzló og finnst ekki næstum því svona langt síðan

svo erum við byrjaðar að vinna - erum í good shit vinnu! Ég, Svana, Fanney, Hallveig, Sara, Guðný, Harpa, Alex og Freyja verðum saman í Laugardalnum að reita arfa í sumar ég og lexa erum flokkstjórar og erum að fá meira borgað fyrir varla neitt haha neita ekki að ég er að meta það í drasl!  látum stelpurnar heyra það ef þær eru ekki að þjappa nógu vel í beðin!

= Solid hópur!

ég er með burgernum, finnanum, hergils, guddu playplay og söru matt í hóp í húsdýragarðinum sem er frekar nice....haha alltaf þegar okkur er kalt förum við bara að hlýja okkur í hænsna og kanínukofanum. Reyndar var svo vond lykt þar í dag að við vorum bara chillin í minka og refahúsinu sem var bara kósí sko! haha við erum að standa okkur svakalega.

það er allavega alltaf e-ð skemmtilegt að gerast....haha vorum beðnar um að hjálpa e-m kalli að fara með beljurnar út á gras og áttum bara að standa og passa að þær færu ekki í burtu og svana var svo mikill auli að hún lét kálfinn sleppa og hann byrjaði að hlaupa að fjölskyldugarðinum og kallinn bara ooohh fokk og þurfti að hlaupa á eftir honum hahah svana bara æjj e-ð að reyna að redda þessu sem gekk ekkert! og síðan í gær byrjaði ein kusan að taka á rás í burtu og kallinn þurfti að hlaupa og elta hana og datt beint á bakið á e-ð grindverk og braut það hahaha það var svo fyndið shiii við vorum grenjandi 

en ég sé allavega fram á gott sumar! ætlaði bara að skella inn smá update á hvernig sumarið okkar verður...

Pulla Bjöss

Halló

Langt síðan að maður hefur bloggað, já eða langt síðan að einhver hefur bloggað. 

Annar í hvítasunnu í dag og ég er bara búin að hafa það kósí. Byrja í bæjarvinnunni með stelpunum á morgun og það verður vonandi bara fínt. Er ekki alveg að nenna að byrja að vinna en það verður fínt að fá að vera úti og kannski fá smá tan ef heppnin er með manni

Hef annars ekki mikið að segja. Fengum einkunnirnar í síðustu viku og ég held að flestir hafi bara gengið nokkuð vel Ég náði a.m.k öllu og er bara nokkuð sátt með einkunnirnar þó að það sé auðvitað eitthvað sem maður hefði viljað fá hærra í. Trúi því samt ekki að ég sé hálfnuð með Versló ...úff

Ég og Elín erum búnar að vera duglegar að fara í sund, erum búnar að fara nánast á hverjum degi alla síðustu viku. Við hötum það ekki.  Hahaha breytumst í smákrakka þegar við erum komnar ofan í laugina og höfum fengið ófá "erekkialltílagimeðþessar" augnaráð.

Góð helgi nýafstaðin. Lenti nú reyndar í algjöru rugli á föstudeginum og var bara edrú á laugardeginum. Vorum nokkrar stelpur heima hjá Svönu og ég ætlaði bara að skutla þeim niðrí bæ og fara síðan heim en stelpurnar náðu að plata mig með sér. Fórum fyrst á Prikið og get nú ekki sagt að það hafi verið e-ð spes en svo kíktum við á Hverfis og ég er ekki frá því að þetta var eitt af skemmtilegustu kvöldum lífs míns (ókei kannski ekki alveg lífs míns en það var allavega mjög gaman) og ég veit að Úlla er sammála mér. Við misstum okkur á dansgólfinu. Fullt af stúdentum og allir voða happí.

Fórum síðan niðrí bæ í gær, það var fínt, en ég verð að segja að það kvöld hafi fallið í skuggann á laugardeginum.

Ég er búin að vera soldið dugleg að setja inn myndir ef að þið hafið ekki tekið eftir því og svo eru fleiri á leiðinni

-Fanney-

já þessi síða er greinilega ekki alveg að gera sig lengur eða hvað? Svana er að dissa okkur og bloggar á yoni...heimta blogg á næstunni hér burger!
En ég er í þrefaldri eyðu þannig að ég ætla rétt að skella smá upplífgun hérna inn...

Helgin nýbúin....við Elín Helga ákváðum í flýti að drekka á laugardaginn og fara í bæinn svona í seinasta skipti fyrir prófin. Fórum til Haudda þar sem e-ð fólk var að drekka fyrir bæinn. Þetta kvöld var frekar fyndið....ég tók smá rappsession á prikinu fyrir Bent sem er sko idolið okkar ellu og ég skeit lengst uppá bak haha vá hvað það var glatað hjá mér smellir á borð við Gallagripir Röff Mix og Get money gott dæmi hah æjæj en elín var líka með smá skitu sem var fyndin Svo fórum við bara í bílskúrinn að lúlla!

"Hey bent ertað digga þennan vikivaka...." haha

Svo er skólinn alveg að verða búinn, einn og hálfur dagur eftir hjá mér...og svo er peysufatadagurinn á fimmtudaginn. Þá förum við í kjánalegum búningum niður laugaveginn og dönsum þjóðdansa á ingólfstorgi

haha mér finnst þetta svo fyndið

eeen ja ég er farin að læra eða e-ð.....bleller!

Úlla

Gleðilega Páska ! =)

27.mars 2007

Jaaháá.   Í dag er merkisdagur í lífi sveittrageira þar sem engin önnur en Úlla Björnsdóttir á afmæli!  

sætasæta

Þessi yndislega stelpa fæddist þann 27.mars 1989 sem segir okkur að hún er orðin 18.ára gömul   gamlagamla. En eigum við eitthvað að ræða það að heilt ár er liðið síðan að gellan fékk bílpróf, finnst eins og það hafi gerst í gær (ókei, kannski ekki alveg í  gær en allavega man ég mjög vel eftir því   

Litlakrútt

Úlla  - Innilegar hamingjuóskir með 18 ára afmælið og vonandi verður þetta ánægjulegur dagur! Þú ert æðisleg manneskja og bestasta vinkona sem hægt er að hugsa sér :*  

Lovjú   Fanney og sveittargeirur J  

PS. Við stelpurnar erum búnar að skipuleggja smá veislu niðrá Marmara í korterinu, þér til heiðurs     

Blee

Margt búið að gerast núna undanfarið hjá mér. Það hefur bara held ég aldrei verið jafn mikið að gera í skólanum og núna sjiitt þetta er alveg hrikalegt! Síðustu tvær vikur eru búnar að vera hreint helvíti, 6 próf eða e-ð og 7 mínútna fyrirlestur á ensku sem maður er að reyna að mixa og svo 2 fleiri próf í þessari viku er ekki alveg að nenna að vera í skóla akkúrat núna en...

Frekar svekkjandi - pabbi og bræður mínir voru að fara um helgina til Austurríkis í heila viku á bretti og ég gat ekki farið með útaf skólanum....hefði svo mest verið til í að fara með þeim það er svo langt síðan ég fór á bretti

En ég er loksins komin út í bílskúr! Það er svo gaman ekkert smá kósý og fínt hjá mér...finnst eins og ég sé bara búin að flytja að heiman þar sem þetta er bara svona lítil íbúð eiginlega! Þetta verður klárlega aðal tjill pleisið

Helgin var mjög skemmtileg...á föstudaginn var ég bara að vinna - kreisí mikið að gera útaf food & fun hátíðinni! var alveg uppgefin eftir það og fór bara heim að sofa beint eftir vinnu.
Síðan var afmæli hjá Hallveigu á laugardeginum sem var mjög skemmtilegt - takk fyrir mig Veiga Síðan fórum við niðrí bæ eftir það...

Síðan er árshátíð World Class á laugardaginn næsta sem verður pottþétt snilld vá er ekki að trúa að þetta sé 4. árshátíðin þar sem ég og svana erum að fara á...búnar að vera þarna of lengi svana soldið lengur samt En hún verður haldin á Hótel Örk og við ætlum allar nema íris ætlar að beila

Úlla!

Já, það er langt síðan ég hef bloggað, búið að vera of mikið að gera.... leikritið og árshátíðarvikan, vikan var geðveik:

Mánudagur: Forsýning á Rómeo og Júlíus. Gekk mjög vel. Fengum frí í skólanum

Þriðjudagur: Frumsýning á Rómeo og Júlíus, skemmtilegasta sýningin hingað til Svo var frumsýningarpartý um kvöldið, fór á trúnó með ansi mörgum- Kristjönu, Hrefnu Líf, Leifi, Ara, Agli og fleira skemmtilegu fólki, enda eru bara snillingar í Thalíu

Miðvikudagur: Söngvakeppni MS, ég og Guðný tókum þátt. Þetta var einum of gaman, okkur gekk báðum mjög vel. Langt síðan maður hefur sungið fyrir almenning. HAHA krakkarnir sem voru með mér í 1.D héldu að ég væri með eitthvað djókatriði í keppninni, því ég var alltaf að syngja eitthvað í tímum í fyrra sem var greinilega ekki mikið fyrir eyrað

Fimmtudagur: Dagurinn byrjaði með morgunmat niður í MS, hann var mjög fínn. Svo hittumst við stelpurnar heima hjá mér, Sara hjálpaði mér að laga til, því ég hélt fyrirpartý. Dóri skutlaði okkur svo í matinn sem var haldinn á Hallveigarstíg- Versölum. Maturinn var allt í lagi, minn bekkur fór aðeins fyrr úr honum- HAHA ég veit lame bekkur, en það var ekkert voða skemmtilegt í þessum mat Eftir það byrjaði partýið heima hjá mér, við vorum með tilnefningar og fleira skemmtilegt Svo kom rútan og keyrði okkur á ballið sem var haldið á NASA, þetta var stórkostlegt ball, ég og Hallveig vorum alveg að missa okkur í gleðinni! Vááá við vorum gangandi dæmi um hressleika Hittum þar busann okkar- Ara Daniel Hann á eftir að vera svo myndarlegur þegar hann verður eldri Hann tók ansi vel í okkur, svo ég segi nú sjálf frá. HAHA Þorsteinn Már var laminn af stelpu.... hann datt í sleik við hana á októberfest og hún er víst búin að stokkera hann síðan, ég reyndar tók eftir því á ballinu... hún stóð alltaf 5 metrum frá honum allt ballið. Hún kom að Óðni og sagði að hann hafði eyðilagt samband hennar og Þorsteins uppsadeysi........
En svo kom Dóri og keyrði okkur heim.

Ég er sátt með þessa viku- mjög skemmtileg- en það er samt ekkert sem toppar 85' vikuna, hún stendur algjörlega upp úr! "We built this city"

En ég segi ekki meir í bili, þarf að læra og svona. Ætla að kíkja til Úllu í kvöld í bílskúrinn, hann á vist að vera rosa flottur- efa það engann veginn 

Heyrðu ég get ekki sett neinar myndir inn í bloggið en það eru fullt af myndum inn á yoni frá leikritinu og fleira  

En ég kveð.....

Svana Berg  

Hallóhalló, fangun hér!

Ætla nú ekkert að koma með neitt langt blogg. Langaði bara að óska Guðnýju og Svönu enn og aftur til hamingju með frábæran árangur í söngvarakeppni SMS sem haldin var í gærkvöldi. Þetta var ekkert smá flott hjá þeim og ég ætla rétt að vona að þær eigi eftir að láta betur í sér heyra í framtíðinni!

Hún Svana okkar tók þetta síðan með trompi og nældi sér í annað sæti, enda ógó flott hjá stelpunni! Þannig að ef að strákurinn sem vann (veit ekki hvað heitir) skyldi alltíeinu veikjast eða lenda í smá slysi *hóst* *hóst* þá er hún Svana okkar að fara í Söngvakeppni framhaldskólanna fyrir hönd MS

Svana á góðri stundu! 

Það er soldið skrýtið, ég er búin klukkan 12 á fimmtudögum og er ekkert að kvarta yfir því, en ég veit aldrei hvað ég á að gera af mér þegar ég kem heim? Allir ennþá í skólanum og enginn til að leika við 

En ætla ekki að hafa þetta lengra í bili, er farin að sortera sokkana mína eða eitthvað álíka!

Bless

Fanney!

- Já í dag á ein af mínum bestu vinkonum afmæli og það er hún Elín Helga Jónsdóttir sem er 18 ára í dag

Í gær strax eftir miðnætti fórum ég og Hulda í smá mission og hringdum í hana og báðum hana að koma út og tókum á móti henni mjög skemmtilega með grímur og hatta haha svo gerðum við hana að geðveikt svölum gangster með bundið fyrir augun og fórum í smá bíltúr og gerðum allskonar...misheppnaðist samt aðeins og Fanney fékk að finna smá fyrir því haha fyrirgefðu Fanney mín En aftur til hamingju með afmælið Elín mín! love you like a fat kid loves cake ! :*

haha Elín með G-Unit húfuna og blingið...ógeðslega svöl!

- En ég er bara búnað vera veik....þriðji dagurinn sem ég er veik heima.. þoli það ekki! En Prison Break er búið að hjálpa mér í gegnum þetta Þessir þættir eru bara snilld! Búin að klára alla 1.seríu og komin langt inní 2.

- Nemó búið! Ekkert smá skemmtilegur dagur bara og ballið mjög gott

- Svo um helgina fórum við í afmæli til Hófí sem var mjög skemmtilegt haha held ég hafi samt e-ð byrjað að veikjast þá og kenni því um ástand mitt þetta kvöldið!

held þessar myndir lýsi því bara frekar vel

hef þetta ekki lengra í þetta skiptið!

Úlla !